မြတ်စွာဘုရားရှင်အား လှူဒါန်းရန်အတွက် မနက် ၉း၁၀ မိနစ်တွင် ရွက်လှ ၄ ညွန့် ၊ ရေသန့်တို့ကို အာရုံဆွမ်းအဖြစ် လှူဒါန်းပါ။မြတ်စွာဘုရားရှင်ထံမှာ နမောတဿ (၃) ကြိမ် ရွတ်ဆိုပြီး ငါးပါးသီလ ခံယူပါ။ဇယမင်္ဂလာအောင်ဂါထာတော်ကြီးအား အရှေ့မြောက်အရပ်ကိုလှည့်ပြီးတော့ မိမိသက်စေ့ရွတ်ဖတ်ရမှာဖြစ်ပါတယ်။ပြီးလျှင် မိမိလိုရာဆုကိုတောင်းပါ။မိမိလှူဒါန်းထားသော ဆွမ်းခဲဘွယ်တို့ကိုစွန့်ကာ ခွေးစာကျွေးပါ။တစ်နေ့တာအတွက် ရှောင်ရန် – ဝက်သားစားသုံးခြင်းကို ရှောင်ကြဉ်ပါ။
ဇယမင်္ဂလာအောင်ဂါထာတော်
ဇယစက္ကော ဇယန္တောယော
ဇယိတဗ္ဗေ ဇယာသနေ
ဇယာပေသိ ဇယေသီနံ
ဇယံဒေတု ဇယုတ္တရော
ဧဝံ မေ တထာ ဟောတု။
မိမိတို့အနေနဲ့ တစ်နေ့တာအတွင်း ပြုပြုသမျှ ကုသိုလ်ကောင်းမှုနှင့်တကွ ဇယမင်္ဂလာအောင်ဂါထာတော်မြတ်ကြီးအား ရွတ်ဆိုပြီးပါက ဆုတောင်းရမှာဖြစ်ပါတယ်။ ဆုတောင်းရမှာကတော့ ဥပမာ – ဘာနေ့သား၊ နာမည်ဘယ်သူ ကနေပြီးတော့ ယနေ့ယခု ပြုပြုသမျှ ကောင်းမှုကုသိုလ်နှင့် ဤဇယမင်္ဂလာအောင်ဂါထာတော်မြတ်ကြီးအား ရွတ်ဆိုခဲ့သည်မှာ အမှန်ပင်ဖြစ်ပါသည်။ ဘုရားတပည့်တော်၏ ဤမှန်ကန်သော သစ္စာစကားကြောင့် ဘုရားတပည့်တော်သည် ( ……. ) မိမိလိုရာဆုတောင်းပါ။
ဤဂါထာကိုရွတ်ပွားခြင်းဖြင့် မိမိတို့ရဲ့ အလုပ်အကိုင်၊ စီးပွားရေး၊ ငွေကြေး၊ အကြံအစည်များ အောင်မြင်လာပါလိမ့်မည်။ ယုံယုံကြည်ကြည်ဖြင့် မြတ်စွာဘုရားကို အာရုံပြုပြီး ရွတ်ပွားပေးပါ။
