Hinnagami များဟာ အလွန် စွမ်းအားမြင့်တဲ့ ဝိဉာဉ် (spirits)တွေ ပဲဖြစ်ပါတယ်။ Hinnagami တို့ဟာ အရုပ်များထဲတွင် စွဲကပ်နေထိုင်ပြီး သခင်ဖြစ်သူရဲ့ လိုအင်ဆန္ဒတို့ကို ဖြည့်ဆည်းပေးတဲ့ ဝိဉာဏ်တစ်မျိုးဖြစ်တာကြောင့် လိုတရ ဝိဉာဏ်များဟုပင် ခေါ်ဝေါ်ခဲ့ကြပါတယ်။
hinnagami ဟာ သခင် ဖြစ်လိုတဲ့ ဆန္ဒ အမျိုးမျိုးကို ဖြည့်ဆည်းပေးတာကြောင့် hinnagami ဝိဉာဏ်ပိုင်ဆိုင်သည့် သူများဟာ လျင်မြန်စွာ ကြီးပွားချမ်းသာလာကြပါတယ်။ အဲ့ဒါကြောင့် ဂျပန်နိုင်ငံတွင် ရုတ်တရက် အောင်မြင်ကြီးပွား ချမ်းသာလာသူများကို hinnagami မွေးထားသူများဟု သံသယရှိကြခြင်းပဲဖြစ်ပါတယ်။
hinnagami တို့ဟာ ဆန္ဒတစ်ခုကို ဖြည့်ဆည်းပေးနေစဉ် နောက်ထပ်တခုကို တောင်းဆို၍ မရဘဲ တကြိမ်လျှင် ဆန္ဒတခုသာ ဖြည့်ဆည်းပေးပါတယ်။ သို့သော်လည်း ပထမဆန္ဒတစ်ခု ပြီးမြောက်ပါက နောက်ထပ် ဆန္ဒတစ်ခုဖြည့်ဆီးပေးရန် မိမိသခင်အား လာရောက်မေးမြန်းနေမှာ ပဲဖြစ်ပါတယ်။
အဲ့လိုနဲ့ hinnagami တစ်ကောင်ဟာ သူ့သခင်ရဲ့ ဆန္ဒတွေကို ဖြည့်ဆည်းပေးကာ သခင်၏အနားမှ ဘယ်တော့မှ ထွက်မသွားဘဲ ထာဝရ ကပ်ငြိနေခြင်းပဲဖြစ်ပါတယ်။ အဲ့ဒီအပြင် hinnagami တစ်ကောင်ဟာ မိမိသခင် သေလွန်ပြီးတဲ့နောက်မှာလည်း ငရဲပြည်ထိတိုင်အောင် လိုက်ပါနှောက်ယှက်နေပြီး သခင်ဖြစ်သူအား အမြဲတစေ ခြောက်လှန့် ဒုက္ခပေးပါတော့တယ်။
အကြောင်းကတော့ hinnagami တစ်ကောင်ရဲ့ စွမ်းအင်ဟာ သူ့သခင်ရဲ့ အလိုဆန္ဒ နဲ့ လောဘတို့မှ ဖြစ်ပေါ်လာတာပဲဖြစ်ပါတယ်။ အဲ့ဒါကြောင့် လိုအင်ဆန္ဒနည်းပါးသူတွေသာ hinnagami လို့ခေါ်တဲ့ မကောင်းဆိုးဝါး တစ်ကောင်ရဲ့ လက်မှလွတ်မြောက်နိုင်မှာပဲဖြစ်ပါတော့တယ်။
ဂျပန်တို့ရဲ့ ကျေးလတ်ဒဏ္ဍာရီတစ်ပုဒ်ဖြစ်တဲ့ Hinnagami ဟာ အရုပ်ထဲမှာ ပူးကပ်နေတဲ့ မိစ္ဆာတစ်ကောင်ပဲဖြစ်ပါတယ်။ သူတို့ဟာ သခင်ရဲ့ လိုအင်ဆန္ဒတွေကိုဖြည့်ဆီးပေးတာကြောင့် Hinnagami ကိုပိုင်ဆိုင်တဲ့ သူဟာဆိုရင် ကြီးပွားချမ်းသာနိုင်ကြောင်းအဆိုရှိခဲ့ကြပါတယ်။
“Hinnagami တွေဟာ သူတို့သခင်ရဲ့ လိုအင်ဆန္ဒပေါ်မူတည်ပြီး စွမ်းအားကြီးမြင့်လာတဲ့ မကောင်းဆိုးဝါးပဲဖြစ်ပါတယ်။ အဲ့ဒါကြောင့် Hinnagami တစ်ကောင်ဟာ သခင်ရဲ့လိုအင်ဆန္ဒ တစ်ခုပြီးမြောက်တိုင်း နေက်ထပ်တစ်ခု ထပ်မံတောင်းဆိုရန် အမြဲလာရောက် တိုက်တွန်းနေတာပဲဖြစ်ပါတယ်။
အဲ့လိုနဲ့ Hinnagami တွေဟာ သူတို့ရဲ့သခင်သေဆုံးသွားသည့်တိုင်အောင် ငရဲပြည်အထိလိုက်ပါစွဲကပ်နေမှာပဲဖြစ်ပါတယ်။”
Hinnagami မိစ္ဆာကို အရုပ်ထဲမှာ အသက်သွင်းချင်တယ်ဆိုရင်တော့…တစ်နေ့တာလုံး သချိုင်းပေါ်မှာ ဖြတ်သန်းသွားတဲ့ လူတွေရဲ့ ခြေရာနဲ့ စီရင်ရမှာပဲဖြစ်ပါတယ်။ သို့သော်လည်း 3 နှစ်ကြာသည့်တိုင်အောင် ညစဉ်ညတိုင်း လိုက်လံစုဆောင်းရမဲ့အပြင် အချိန်စေ့တဲ့ နေ့မှာတော့ စုဆောင်းထားတဲ့မြေမှုန့်တွေကို သွေးနဲ့ရောကာ 9 စင်တီမီတာအရွယ်ရှိတဲ့ Hinnagami မိစ္ဆာပုံကို ထုဆစ်ရမှာပဲဖြစ်ပါတယ်…
အဲ့ဒီနောက်မှာတော့ လူသွားလူလာများတဲ့ လမ်းပေါ်မှာ Hinnagami အရုပ်ကို မြုပ်နှံပြီး လူတစ်ထောင်တက်နင်းစေရမှာပဲဖြစ်ပါတယ်။ အစီရင်အားလုံးပြီးဆုံးရင်တော့ Hinnagami မိစ္ဆာဟာ သင့်ကို အိမ်မက်ထဲမှာလာရောက်တွေ့ဆုံမှာပဲဖြစ်ပါတယ်။ အဲ့လိုနဲ့ Hinnagami တွေဟာ သခင်ရဲ့ အလိုဆန္ဒတွေကို တစ်ခုပြီးတစ်ခု ဖြည့်ဆည်းပေးပြီး သခင့်အနားမှာ ထာဝရ ကပ်ငြိနေမယ့် မကောင်းဆိုးဝါး မိစ္ဆာတစ်ကောင်ပဲဖြစ်ပါတော့တယ်။
