နတ်ပို့အမွှန်း

ဧတ္တာဝတာ စ အမှေဟိ၊ သမ္ဘတံ ပုညသမ္ပဒံ။ သဗ္ဗေဒေဝါ’ နုမောဒန္တု၊

သဗ်ဗသမ်ပတ်တိ သိဒ်ဓိယာ။ ဒါနံ ဒုဒန်တု သဒ်ဓါယ၊ သီလံ ရက်ခန်တု သဗ်ဗဒါ။

ဘာဝနာဘိရတာ ဟောန္တု၊ ဂစ္ဆန္တု ဒေဝတာ ဂတာ။

ဧတ္တာဝတာ – ဤမျှ အတိုင်းအရှည်ရှိသော ပါဠိမပျက် အနက်မချွတ် နှုတ်သံလွှတ်၍ ရွတ်ဖတ်အပ်သော အစဉ်ဖြင့်၊
အမှေဟိ – ပဋ္ဌာန်း တရား ရွတ်ပွား အားထုတ် အကျွန်ုပ်တို့သည်၊
သမ္ဘတံ – ပါရမီပြည့်ကြောင်း သဒ္ဓါလောင်း၍ ကောင်းစွာ ဖြည့်ကျင့် ဆည်းပူးအပ်သော၊
ပုညသမ္ပဒံ – ကိလေသာ ကြေးညှော်ကို ဆေးလျှော် သန့်ရှင်း ဖြူစင်သော ကောင်းမှု၏ ပြည့်စုံခြင်းကို၊
သဗ္ဗေ ဒေဝါ – ခပ်သိမ်းကုန်သော နတ်တို့သည်၊

အနုမောဒန္တု – ပါရမီပြည့်ကြောင်း သူတော်ကောင်းတို့ နှစ်ထောင်းအားရ ပြုနိုင်စွမ်းကြသည်ဟု ဝမ်းမြောက် နှစ်သက်ကြပါစေကုန်သတည်း။

သဗ္ဗသမ္ပတ္တိ သိဒ္ဓိယာ – လောကုတ် လောကီ နှစ်လီဆုံးကုန် အလုံးစုံသော ဂုဏ်သိန်တန်ခိုး စည်းစိမ် ချမ်းသာ၏ ပြီးစီးခြင်း အကျိုးငှာ၊

ဒါနံ – မိမိနှင့် ထိုက်တန်သော လှူဒါန်းရန် အစုစု ဆွမ်းစသော ဒါန ဝတ္ထုကို၊

ဒုဒန္တု – နှစ်သက် ရွှင်ပျ လှူဒါန်းနိုင်ကြပါစေကုန်သတည်း။

သဒ္ဓါယ – ရတနာ သုံးတန် ကံ ကံ၏အကျိုးကို မြတ်နိုး ယုံကြည်တတ်သော သဒ္ဓါတရားဖြင့်၊
သီလံ – ကောင်းကျင့် ကောင်းကြံ မြဲမြံစွာ ကျင့်သုံးအပ်သော သီလကို၊

ရက္ခန္တု – သီလ ကျေးဇူး ဂုဏ်အထူး၌ ၊

သဗ္ဗဒါ – နေ့ညဉ့် မခြား အခါခပ်သိမ်းနူးညွတ် အာရုံ စောင့်ရှောက်ကြပါစေကုန်သတည်း။

ဘာဝနာဘိရတာ – သမထ ဝိပဿနာ ဘာဝနာ ကမ္မဋ္ဌာန်း၌ ရွှင်လန်း မွေ့လျော်ကြကုန်သည်၊
ဟောန္တု – ဖြစ်ကြပါစေကုန်သတည်း။

ဂစ္ဆ န္တု – ကိုယ်စီ ကိုယ်စီ ထိုဤရပ်ဘောင် ဓာတ်တန်ဆောင်နှင့် လျှပ်ရောင်လျှံသန်း ဗိမာန်နန်းသို့ စံမြန်း ပြန်သွားကြပါကုန်လော့။

အာဂတာ – ပရိတ်တော်ကို နာခံလို၍ ထိုထိုအရပ်မှ လာရောက်ကြကုန်သော၊
ဒေဝတာ – သမ္မာဝါဒီ ပါရမီ မွေ့လျော် နတ်သူတော်တို့သည်ဗိမာန်နန်းသို့ စံမြန်း ပြန်သွားကြပါကုန်လော့။